ಬಣ್ಣ ಬಣ್ಣದ ಸುಂದರ ಹೂವುಗಳು

ಚಿಲಿಪಿಲಿ ಕಲರವ ಮಾಡುವ ಪಕ್ಕಿಗಳು

ಆಗಸಕೆರುವ ಹಿತವಾದ ಸೂರ್ಯ

ಬೆಳಗಿನ ಪೂಜೆಯ ಘಂಟಾ ನಾದ

ತಣ್ಣನೆಯ ಸೂಸುವ ತಂಗಾಳಿ

ಮೆಲ್ಲಗೆ ಮೈ ಮರೆವ ಮನ

ಎಲ್ಲವೂ ನೀ ನೀಡುವ ಕರುಣೆ

ನಿನಗಿದೊ ನನ್ನ ಪುಟ್ಟ ವಂದನೆ

ಅಬ್ಬರದ ಈ ಸಂಜೆಯು

ವರುಣ ಪವನರ ಅಬ್ಬರದ ಈ ಸಂಜೆಯು

ನಲ್ಲೆಯು  ನೆಲದಲಿ ನೀರು ಸಿಂಪಡಿಸಿದ ಹಾಗೆ

ಬೀಸುವ ಗಾಳಿಗೆ ಕಿಟಕಿಯ ಪದಕ ಹೊಡೆದು ಕೊಂಡಾಗ

ಮನೆಯ ಯಜಮಾನ/ನಿ ಯ ತಾಳ್ಮೆಯ ಪರೀಕ್ಷಿಸಿದ ಹಾಗೆ

ಓಡಿ ಹೋಗಿ ಹಾಕಲು ಕಿಟಕಿಯ ಪದಕವ 

ಮನೆಯಲ್ಲ ಸೂಸು ಮಣ್ಣಿನಲಿ ಅಲಂಕಾರ

ಮಕ್ಕಳು ಆಡುತಿಹರು ಬೇಸಿಗೆಯಮಳೆಯಲಿ ತುಂಬು ಮನದಿಂದ

ತಾಯಿ ತಂದೆ ಒಳಗೆಳೆಯತಿಹರು ಮಮತೆಯ ಬೈಗುಳದಿಂದ

-ರಾ ಮ ಕಿ